„75 წელი. მაღალი, ბრგე ვაჟკაცი, სამშობლოზე უზომოდ შეყვარებული, საინტერესო ბიოგრაფიით, კასკადიორ- დუბლიორობიდან წინახაზის მეომრობამდე…მოუშუშებელ ნაიარევად დარჩენილი აფხაზეთი და მის თვალწინ სახეზე ღიმილგადაკრული, შუქჩამქრალი, ცას შეყინული თვალებით გმირები, ზოგი ჭაბუკობაშიც ფეხვერშედგმული, ზოგიც უკვე მოწიფული, ქართულ მიწას და ქართულ ცას შერწყმული.
„ მაცი ხვიტია“, „ლონდრე“, „შევარდენის კვალი“, _გერმანული კინოსტუდი „დეფას“ მიერ გადაღებულ ფილმში გოიკო მიტიჩთან და ბარბარა ბრილსკასთან ერთად, „ბებიები და შვილიშვილები“, ასევე „შეხვედრა მთაში“, „არაჩვეულებრივი გამოფენა“, ნიშანდობლივი და დასამახსოვრებელი ფრაზით „მაინც არა გავს ჩემს სიდედრს“, „დიდოსტატის მარჯვენა“… მაგრამ მაინც, მისი ცხოვრების წარუშლელი კვალი, 1992 წლის 8 ოქტომბრიდან. სწორედ მაშინ შეაბიჯა ძმიშვილთან ერთად იქ, სადაც საქართველოს სხეულის ნაწილს, საქართველოს გულს- აფხაზეთს გვედავებოდნენ ცეცხლით და მახვილით…
ენვერი – ალექსი ნიკოლაიშვილი, ჩვენი მეგობარი, ბევრის მეგობარი, ახლაც სამშობლოს სამსახურშია. 75 წელი ბევრია და ცოტა, სიხარულით და ტკივილით გაჯერებული. ახლაც მხრებში ლამაზად გაშლილი, ჭაღარათმიანი, ჩვენი მეგობარი და თანამებრძოლი, ჩვენი ენვერი ისევ ჩვეულ სითბოს აფრქვევს, ისევ სტკივა აფხაზეთი, ბიჭები და ისევ აფხაზეთში დაბრუნებას ელოდება.“_ეს ფოტო და ტექსტი გუშინ გამოქვეყნდა დაიცავი შენი წილი სამშობლო/Protect Your Homeland.
ენვერ ნიკოლაიშვილი წარმოშობით ოზურგეთელია. სოფელ მთისპირში (დაბლა ვანისქედი) ცნობილი ცხენოსნის და მეურნე კაცის ტიხო ნიკოლაიშვილის მეხუთე შვილი იყო. დაამთავრა სოფელ ნაგომრის საშუალო სკოლა. როგორც ზემოთ აღნიშნავენ, გადაღებულია არაერთ ქართულ და უცხოურ ფილმში. მეუღლე ლამარა ჩინჩალაძე, პროფესორია (სამხედრო აკადემიაში კითხულობდა ლექციებს). ჰყავს ორი შვილი. არის ოთხი შვილიშვილის ბაბუა. იგი საქართველოს გაზის კომპანიაში ერთ-ერთ თანამდებობაზე მუშაობდა. აფხაზეთის ომის მონაწილე…
მსგავსი სტატიები
- 100
„ცხოვრება ბედთან გადიქცა ბრძოლად, სულს კი მარადის სურს ციერება“ ავტორი ნინო ნიკოლაიშვილი. სცენა სადა დეკორაციებით, რომელიც სულის ფორიაქს გამოხატავს და... რომლის დაუოკებელი მდინარება ხან ზეცისკენ არის მიმართული, ხანაც დაბლა ეშვება ქვესკნელისკენ...? პოეტი შემოდის როლში, განა ყველა სულიერი არსი, ქმნილი უფლისგან, საკუთარი როლით არ ევლინება ამ ყოფიერ სინამდვილეს? თითქოს მაღალფარდოვნად ჟღერს… - 100
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ ილია II-ის საშობაო ეპისტოლე: „ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო, „ვჰმადლობდეთ მამას, რომელმაც გვიხსნა სიბნელის ხელმწიფებისაგან… და შეგვიყვანა თავისი საყვარელი ძის სასუფეველში“ (კოლ.1.13) დგება… - 100
დღეს, ოზურგეთის მუნიციპალიტეტის საკრებულოს მორიგი სხდომა ჩატარდა. სხდომის დღის წესრიგით გათვალისწინებული საკითხების განხილვამდე, „ქართული ოცნების“ დეპუტატმა ქეთი ხომერიკმა სიტყვა ითხოვა, ფუთიდან სათამაშო ტანკები და სხვა სამხედრო ატრიბუტიკა ამოიღო და ნაციონალ დეპუტატებს მიართვა. _ ეს მელია -კუდაგრძელიას, ეს შენ. თქვენ მხოლოდ ერთმანეთში ომი გეხერხებათ და ითამაშეთო _ მიმართა მჟავანაძეს ხომერიკმა. _აჯობებს… - 100
ოზურგეთის მუნიციპალიტეტის თოჯინების თეატრი ერთ-ერთი წარმატებული თეატრია საქართველოში, რომლის წინაპირობა კარგი კოლექტივია. ისინი არა მარტო კარგ სპექტაკლებს უჩვენებენ ბავშვებს, რესპუბლიკური თუ საერთაშორისო ფესტივალებზე იმარჯვებენ, არამედ საზოგადოებრივ ცხოვრებაშიც აქტიურობენ და ქველმოქმედნიც არიან. პრობლემა _ დაუმთავრებელი დარბაზია, რის გამოც მათ სპექტაკლების ჩვენება მცირე დარბაზში უწევთ. გასულ კვირას სპექტაკლის „ძია ჯამბაზი და წრუწუნა… - 100
დღეს, ქ. ოზურგეთში, ოზურგეთის ისტორიულ მუზეუმშიგაიმართა რეგიონული საინვესტიციო ფორუმი, რომელსაც კერძო სექტორის, სამოქალაქო საზოგადოების, ცენტრალური და ადგილობრივი ხელისუფლების წარმომადგენლები დაესწრნენ. საჯარო და კერძო სექტორების წარმომადგენლებმა იმსჯელეს რეგიონის საინვესტიციო პოტენციალზე და თანამშრომლობის შესაძლებლობებზე. ლანჩხუთის, ოზურგეთისა და ჩოხატაურის მუნიციპალიტეტებმა წარმოადგინეს საინვესტიციო პროფილები, რომელთა შექმნაში მათ დაეხმარა გაეროს განვითარების პროგრამა (UNDP) და…