კავკასიის განახლებადი ენერგიის ჰოლდინგი (CCEH) ამერიკული ფონდია, რომელიც საქართველოში მცირე და საშუალო ზომის ჰიდროელექტროსადგურების განვითარებაში აკეთებს ინვესტირებას. მის პორტფელში შემავალი პროექტების გეოგრაფია საქართველოს ხუთ რეგიონს, აჭარას, გურიას, სვანეთს, სამცხე – ჯავახეთსა და კახეთს მოიცავს. კომპანიაში ოთხი უკვე ოპერირებაში მყოფი ჰიდროელექტროსადგურია, ორი კი, გურიის რეგიონში არსებული პროექტი, რომლის სამშენებლო სამუშაოები 2023 წლის მეორე ნახევარში იგეგმება.
საქართველოში ფონდს ქართული მენეჯმენტი მართავს. CCEH-ის გუნდი დაკომპლექტებულია მაღალი დონის პროფესიონალებით, რომელთაც გააჩნიათ მრავალწლიანი გამოცდილება საინვესტიციო, ტექნიკური, გარემოსდაცვითი და სოციალური სფეროების მართვის მიმართულებით. ჰიდროენერგეტიკულ პროექტებს ახორციელებენ მაღალი დონის პროფესიონალი ინჟინრები, რომლებიც დაარსების დღიდან (2015 წელი) მუშაობენ კომპანიაში. გუნდის წევრების სამუშაო გამოცდილება მათი პროფილის მიხედვით საქართველოში და მის ფარგლებს გარეთ საშუალოდ 5-დან 20 წლამდე მერყეობს. CCEH საქმიანობას ახორციელებს საქართველოს კანონმდებლობისა და რეგულაციების შესაბამისად, ასევე, საერთაშორისო ფინანსური ინსტიტუტების IFC-ისა და EIB-ს გარემოსდაცვითი და სოციალური საკითხების მართვის სტანდარტების დაცვით.
ფონდის მენეჯმენტი დიდ ყურადღებას უთმობს ახალი თაობის აღზრდას და მათთვის კონკურენტუნარიანი სამუშაო პირობებისა და გარემოს შეთავაზებას. კომპანიაში დასაქმებულ ახალგაზრდებს ეძლევათ შესაძლებლობა გამოცდილ და მაღალკვალიფიციურ ინჟინრებთან, ენერგეტიკოსებთან და ფინანსისტებთან ერთად მუშაობით გაიღრმავონ ცოდნა, შეიძინონ პრაქტიკული უნარ-ჩვევები და მიიღონ უნიკალური გამოცდილება.
„წელს ძალიან გაგვახარა ბახვი ჰესის პროექტების უმცროსმა ინჟინერმა ნინი გიორგაძემ, რომელმაც სტენფორდის უნივერსიტეტის 500 ათას დოლარიანი გრანტი მიიღო. ნინი 2023 წლის სექტემბრიდან შეუდგება სწავლას მსოფლიოს მოწინავე უნივერსიტეტში, კერძოდ სტენფორდში დოქტურანტურაზე სამოქალაქო და გარემოს ინჟინერიის მიმართულებით. ძალიან მახარებს მისი წარმატება და ყველა ვგულშემატკივრობთ მას. ნინიმ 2020 წელს თბილისში სან-დიეგოს უნივერსიტეტის სამოქალაქო ინჟინერიის ფაკულტეტი წარჩინებით დაამთავრა და ჩვენთან მოხვდა სტაჟირებაზე. სტაჟირების შემდეგ დარჩა კომპანიაში და იმუშავა ჯერ ახალქალაქის ჰიდროელექტროსადგურის მშენებლობის პროექტზე, მშენებლობის დასრულების შემდეგ კი გადაინაცვლა ბახვი 1 და ბახვი 2 ჰიდროელექტროსადგურების პროექტებზე სამუშაოდ. სხვათაშორის, მისი ჩვენთან მუშაობის გამოცდილება გახდა ერთ-ერთი განმსაზღვრელი სტენფორდის კონკურსში გასვლის დროს. სტენფორდის უნივერსიტეტი ცნობილია თავისი ტრადიციულად ძალიან მკაცრი შეფასებების სისტემით, რაც ამ უნივერსიტეტში მოხვედრის შანსებს ამცირებს. თუმცა, ერთის მხრივ ნინის უმაღლესმა ქულებმა, მეორეს მხრივ კი სამუშაო გამოცდილებამ, სხვა დადებით თვისებებთან ერთად, თავისი ქნა და ჩარიცხვასთან ერთად, მან 500 000 დოლარიანი გრანტიც მოიპოვა. ჩვენ კომპანიაში ვთვლით, რომ თითოეული ჩვენთაგანის მისიაა ახალი თაობის აღზრდა, მათი განვითარება და მათთვის შესაძლებლობების მიცემა“ – ამბობს მიხეილ ნიბლაძე, კავკასიის განახლებადი ენერგიის ჰოლდინგის დირექტორი.
გთხოვთ, იხილოთ CCEH-ში დასაქმებული ახალი თაობის წარმომადგენლების შესახებ ვიდეო სიუჟეტი.
ჩვენ ვზრუნავთ ადამიანებზე, ბუნებასა და რეგიონის განვითარებაზე!
მსგავსი სტატიები
- 100
კორცხოულას მთაზე ამოგორებული მზე კარგა ხნის დაპატრონებული იყო ნაავდრალი მთის ფერდობებს. დედამიწა თავის ფიქრებს, ორთქლის ფთილებად უშვებდა ცისკენ. ლაშის ღელეც წყნარად მიიკვლევდა გზას ბარისკენ. ცისკენ ხელებაწვდილი, ფოთლებშემოძარცვული ხეები მზეს ეფიცხებოდნენ და უყვებოდნენ თითქოს, მთისა და ბარის ამბებს. ამ მშვენიერ ხეობას შეყოლილი გზიდან გურული სოფელი შემოგყურებს თავისი ხიბლითა და სევდით. აქ,… - 100
1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.… - 100
ოზურგეთის მუნიციპალიტეტის თოჯინების თეატრი ერთ-ერთი წარმატებული თეატრია საქართველოში, რომლის წინაპირობა კარგი კოლექტივია. ისინი არა მარტო კარგ სპექტაკლებს უჩვენებენ ბავშვებს, რესპუბლიკური თუ საერთაშორისო ფესტივალებზე იმარჯვებენ, არამედ საზოგადოებრივ ცხოვრებაშიც აქტიურობენ და ქველმოქმედნიც არიან. პრობლემა _ დაუმთავრებელი დარბაზია, რის გამოც მათ სპექტაკლების ჩვენება მცირე დარბაზში უწევთ. გასულ კვირას სპექტაკლის „ძია ჯამბაზი და წრუწუნა… - 100
ქალაქ ოზურგეთის განახლების მიზნით ჯამში 10 მლნ ლარის ინვესტიცია განხორციელდება“, - ამ საკითხთან დაკავშირებით, ოზურგეთის მერმა მერიის დღევანდელ სხდომაზე განაცხადა. „თანმიმდევრულად მივყვებით ჩვენი 8-პუნქტიანი გეგმის განხორციელებას და განახლებულ ინფორმაციასაც წარმოგიდგენთ უკვე დაანონსებულ პროექტებზე, რომელიც ჩვენი ქალაქის ურბანულ განახლებასა და კეთილმოწყობას ეხება. ჩვენი ქალაქის განახლების მიზნით, ჯამში 10 მლნ ლარის ინვესტიცია… - 100
30 ივლისს, პარტია „ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა. პოლიტიკური საბჭოს გადაწყვეტილებით, 2021 წლის ადგილობრივი თვითმმართველობის არჩევნების საარჩევნო შტაბს პარტიის თავმჯდომარე ირაკლი კობახიძე უხელმძღვანელებს. რაც შეეხება კამპანიის ლიდერებს, პოლიტიკური საბჭოს გადაწყვეტილებით, თბილისში საარჩევნო კამპანიის ლიდერი დედაქალაქის მერობის კანდიდატი კახა კალაძე, ხოლო საქართველოს მასშტაბით კამპანიის ლიდერი პრემიერ-მინისტრი ირაკლი…