ვეტერან მოჭადრაკეთა ტურნირზე ელგუჯა ურუშაძემ გაიმარჯვა

საჭადრაკო კლუბში ტრადიციულად ტარდება გარდაცვლილ მოჭადრაკეთა ხსოვნის მემორიალურ ტურნირი და, როგორც წესი, იგი აღდგომის ბრწყინვალე დღესასწაულის მომდევნო კვირაში იმართება. წელს იგი 24 აპრილს ჩატარდა და მასში სხვადასხვა თაობის მოჭადრაკეებმა მიიღეს მონაწილეობა, რომელთა შორის უმეტესობას ტიტულები და გამოცდილება არ აკლდა. ტურნირის,როგორც გახსნისას, ისე დახურვისას, თბილი მოგონებით აღინიშნა იმ გარდაცვლილი მოჭადრაკეების შესახებ, რომლებიც წლების განმავლობაში აქტიურად იყვნენ ჩართული გურიის საჭადრაკო ცხოვრებაში და განსაკუთრებული წარმატებიც გააჩნდათ.

ტურნირი, რომელიც აქტიური ჭადრაკის რეგლამენტით, 7 ტურად ჩატარდა, თავიდანვე საინტერესოდ წარიმართა, რაზეც ისიც მეტყველებს, რომ ეკვატორის გავლის შემდეგ, საპრიზო სამეულში მოხვედრის შანსები თითქმის მონაწილეთა ნახევარს გააჩნდა.

საბოლაოდ, 5,5 ქულით, პირველი ადგილზე ელგუჯა ურუშაძე გავიდა,ხოლო მეორე-მესამე ადგილები 5-5 ქულით, აკაკი გოგუამ და ბეჟან ცეცხლაძემ გაიყო; ტურნირში კარგი თამაში ჩვენებით შექება დაიმსახურა ლიხაურელმა სკოლის მოსწავლემ გიორგი სალუქვაძემ, რომელმაც ძლიერებთან ჭიდილში 4 ქულა დააგროვა.

წარმატებული მოჭადრაკეები დაჯილდოვდა შესაბამისი დიპლომებით და ფასიანი საჩუქრებით. კვალიფიციური მსაჯობისათვის დაჯიდოვდა ასევე მსაჯი ანზორ ქუტიძე

ზურაბ ანდღულაძე,

გურიის ჭადრაკის ფედერაციის პრეზიდენტი.

მსგავსი სტატიები