„არწივები“პლეი ოფში „ხვამლთან“ დამარცხდა

1 მაისს, თელავსა და თბილისში  რაგბიში პირველი ლიგის გუნდებს შორის პლეი ოფის ორი მატჩი გაიმართა. თელავში „არმია“ სამცხე-ჯავახეთის „ტაოს“ შეხვდა, ხოლო თბილიში „ხვამლი“ ოზურგეთის „არწივებს“.

ამ გათამაშების ფინალურ ეტაპის სცენარის გათამაშებაში მნიშვნელოვანი წვლილი შეიტანა „ტაომ,“ რომელმაც ბოლოსწინა მატჩში, ოზურგეთში ბოლომდე იბრძოლა, რითაც არ მისცა საშუალება „არწივებს“ ბონუს ქულა მიეღო და ერთი ქულით გადაესწრო „ხვამლისათვის“. ეს მატჩი „არწივებმა“34:33 მოიგეს (27:5 იგებდნენ). შემდეგ „არწივებმა“ „ბორჯომი“ 120:21 დაამარცხეს. „ხვამლს“ ასპინძაში „ტაოსთვის აუცილებლად 5 ლელოს სხვაობით უნდა მოეგო.. ასეც მოხდა. „ტაომ“ასპინძაში 19:38 დათმო მატჩი და „ხვამლმა“ 5 ქულა მოიპოვა.

„ხვამლმა“ და „არწივებმა“ თანაბარი 71-71 ქულა დააგროვეს. ურთიერთშეხვედრაში მოპოვებული უპირატესობით „ხვამლი“ მე-2 ადგილზე გავიდა, ხოლო „არწივები“ მესამეზე. ამის გამო პლეი ოფის შეხვედრა არა ოზურგეთში, არამედ თბილისში გაიმართა. უაღრესად დაძაბულ ბრძოლაში „ხვამლმა“ 21:19 დაამარცხეს სტუმრები და პლეი ოფის ფინალში გავიდნენ.

„არმიამ“, რომელმაც ამ ჩემპიონატში მხოლოდ ერთი მატჩი დათმო და 76 ქულით დაასრულა ჩემპიონატი, 0:6 წააგო პლეი ოფის შეხვედრა მეოთხეადგილოსან „ტაოსთან“ (7 წაგება, 57 ქულა).

8 მაისს „ხვამლი“ და „ტაო“  გაარკვევენ ახალი სეზონიდან ვინ ითამაშებს დიდები 10-ში. ხოლო მეორეადგილოსანი 22/23, 28/29 მაისს  დიდები 10-ში მე-9 ადგილოსან „ყაზბეგს“ შეხვდება.

მსგავსი სტატიები